Quand in a l’moïen

In ne s’fout point mal de l’tempêre

In n’craint point l’vint, ni l’temps pluvieux,

In’ briqu’trie n’habit’ que des bêtes,

Des voyoux et des trimardeux.

À ses pieds in a d’bonnes chaussures

In s’habill comme in homm de bien

C’pindant in est qu’in’ sale ordure

Quand in a l’moïen.

 

In fait des dîners dins la haute

C’qui arriv’ peut-être tous les jours

Là, in inplit s’panche ed’ carottes

Qu’in nous vomit dins des discours ;

Y nous faut minger l’dégueulage

Ou in peut nous traiter d’vaurien,

D’vindu e d’grossier personnage

Quand in a l’moïen.

 

In peut aussi aller à l’messe,

In miant l’curé comm’ du pichon :

Pou l’minger faut bin qu’in l’ingraisse

Si in l’compare à un cochon,

Ch’l’excuse là, n’vaut point in’ vieill’ chique

Et in s’afit poursuivr’ comme un t’chien

De “Ni Dieu ni Maître” un’ craint l’trique

Quand in a l’moïen.

 

Quand in n’sait qu’signer des artiques,

In est point gêné d’fait du pet ;

(Mais j’cros qu’in âne chargé d’reliques

N’est pus ni moins qu’un baudet).

In a d’sous-main des millionnaires

Qui vous font des bell’s phrases pour rien

In les trait’ cor in mercenaires

Quand in a l’moïen.

 

Tuer in homme étant in émeute,

Ch’est bien là l’affair’ d’un voyou,

Mais tout seul vaut mieux rester neute

Olutôt qu’faillir d’avoir des coips.

In appel point cha du courage

Taper in homm’ pindant qu’in l’tient

Mais in est hardi comme in lâche

Quand in a l’moïen.

 

Et nous les mineurs, les gueul’s noires,

In nous flatt’ comme des p’tit toutous ;

In nous fait gagner des victoires

Mais in n’nous fait point gagner d’sous,

Nos dos leur ont servi d’équelle

Pour eux monter au d’sus d’leu fien ;

In’ tiote secousse et v’la in pelle

Nous avons le moïen.